...jo so chli de Räschte:)

17Dez2013

Mini Liebe es tuet mermega leid, i hätt euch eigentli no sovöu z'verzöue gha. Leider het Afrikned di beshte Internetverhältniss ônd mini Siite het hüfig eifah gar ned fonktioniert. Aber es esch jo ez bereits Dezämber,das heisst dasi morn Zobe i Flüger stiige ond hoffentlech am Dornstig i de Schwiiz achome. De hani euch mini Erläbnis sälber verzöue. I ha bes det he för euch no es paar Belder..:)

 

Bes glii!!!Lächelnd

Fish River Canyon

07Dez2013

 

 

 

Also nach langem dra schaffe gots weder.

 

Das esch de Fish River Canyon de zwöit grössti Canyon of de Wält.

Chline Defekt

26Nov2013

Im Momänt esches mer leider ned möglech Fotis of die Website ufezlade. I hoffe i fende use werom ond chas behebe. Sorry!

Kanutrip in Namibia

22Nov2013

 Eusi Rondreis quer dor de Süde vo Afrika het gstartet. Mer send bereits in Namibia. Namibia esch erscht set 1990 es onabhängigs Land, esch sehr Jong aber Tourestebranche esch gross.

Mer händ ofem OrangeRiver en Kanurondfahrt gmacht, mer send öber 2h ofem Wasser onderwägs gsi, ab ond zue hets ou mol chli "welderi" Stelle ga..Lachend

 

 

 

Also es esch den eso gsi dasich ond d'Nadine eim Stei nöm händ chönne uswiiche ond kenteret send. Ond wes de grossi Zuefallhet welle hets devo no es Foti gä..

Table Mountain

19Nov2013

Ond tatsächlech han ich's äntlech gschafft! I be ofem Tafelberg gsi..

I has nämli scho es paar mol vorhär probiert, nor esch do äntwäder schlächts Wätter gsi oder so starke Wend das s'Gondeli ned het chönne fahre. Ond zom 4h ufe ond abeloufe hetmer Ziit ond mini sportlechi Istellig gfehlt..Zwinkernd

 

Aber i has gschafft! Ond es esh wonderschön, er esch jo nor (im gägesatz zo eusne Bärge) 1085 m.u.M. am höchste Ponkt. S'Gondeli wo det ufe fahrt dreiht sech 360° im Chreis ond mer het eifch en fantastischi Usecht. Wemer so det Obe stoht ond mol s'Meer ond die riese Stadt ned beachtet chönnt mer ou meine mer sig i de Schwiz.

 

   

 

 

Das esh mis absolute Bärgstiiger Foti..Cool Obwohl mer s'Gondeli gno händ..

Mer händs nämli müesse teschte wells vonere schwizer Firma produziert worde esch.

 

Mini Begletig ofem erschte Foti esch d'Nadine, sie het met mer beidi USbeldige gmacht ond esch jetzt sedem 15.10 met mer do.

 

Morn startet mini Reis do in Kapstadt, es werd de halt weder en Öberraschig si ebi Internet han oder ned.

Hoffentli bes glii Küssend

Krüger National Park

15Nov2013

Sooo wener vellech gmerkt händ hani i de letschte 4 Woche kei Internet gha, dorom hani omsomeh chönne di ongloublechi Natur in Afrika gnüsse.

I ha jo mis Praktikom im Krüger National Park gmacht, aso eigentleh im Balule Game Reserve. Das esh es Privats Reservat ond dorom send ou ned so vell Toureste omenand, aso eigentli keini. Das heisst die Tier det send sehr vöu welder we die i de Tourestegebiet.

I ha do müesse schaffe, aber ofen ganz anderi Art. Vell hämmer Böim of z'Siite gruumet, Elefante liebes met Böim z'spele oder händ sogenannti Drainage bout, dass de Räge i di rechtige Gebiet cha flüsse.

I be täglech zwösche 5 ond 6 ufgstande ond de hämer meishtens Vögel zählt. Met dem chamer nochär usefende wie d'Vegetation vo de Pflanze i dene Gebiet esh.

 

Vo de Big Five (di 5 gföhrlechste Tier in Afrika) hani alli osser de Leopard gseh. Zo de Big Five ghöre Elefant, Büffel, Nashorn, Leopard ond de Löwe.

 

Ez chömme noes paar (zemli vell) Belder...sochli as hline Ibleck..Cool

 

 

 

Das esch euse Usbleck vom Huus womer gwohnt händ...

 

Das het logischer wiis fasch jede Tag müesse sii -  be 39 Grad im Schatte.Cool

 

Ein Nacht hämmer im Buschcamp verbrocht. Obwohl mer het müesse abwächslend Nachtwach halte esches onvergässlech gsi! De Stärnehemmel ond all die Tiergrüsch händ sech för emmer i mim Gedächnis ibrönnt...

 

 

 

Leider chani i deBlog nor Querformatigi Belder ufelade. Ond de Zuefall wotts das alli Fotis wos so usgseht as obi wörd schaffe Hochformat send..naja, damets doch de aschiin macht hani glich zwöi ufeglade..Zwinkernd

 

 

 

För mech gots ez eso wiiter:

 

Ez hocki do grad in Johannesborg am Floghafe ond schriebe euch das. i werde no hött Obe of Kapstadt zrog flüge ond vo det us am Mettwoch mini Rondreis öber Namibia, Zimbabwe ondBotswana starte...

 

Wesmetem Internet usgeht chani weder mol nedsäge...lömmer eus loh öberrasche..Zwinkernd

Holifestival 2013

14Okt2013

 

Holifestival es Festival womer secher einisch erläbt ha muess!! Us welem Grond dasmer Farbe omerühert weissi aso ned aber es macht absolut meeeeega vöu Spass.

 

Leider esch das ez scho mis letzte Weekend gsi in Kapstadt, da heisst i flüge morn am Morge wiiter nach Hoedspruit. Das esh de nöchschti Floghafe vom Krüger Nationalpark. Im momänt muessi säge freu i mi gar ned..Mönsche chönne eim so schnäu as Härz wachse. I ha ez zwöi Familie woni vermesse - eini dehei i de Schwiiz ond eini do in Kapstadt. Weinend

 

Aso leider chani das im Momänt ned ändere dorom luege mer ez vorwärts..Zwinkernd

 

I weiss noni wes metem Internet usgseht weni im Krügernationalpark be..ehr wärdets erfahre...

 

Simonstown

06Okt2013

Simonstown esch en chlini STadt es bezeli Osserhalb vo Kapstadt, es ghört aber no zom Naturschotzreservat vom Tablemountain. Ond det läbe die süesse chline Pinguine...

 

Heritageday

30Sept2013

Am 24.9.13 esh Heritageday gsi in Kapstadt, en Fiirtig - also en freiie Tag för eus. Mer send dezersch is Castle of Good Hope, händ nomou en chorzi Tour dor BoKaap dreit ond send de fein go ässe in Camps Bay.

 

Sooooo geniali Tortellini hani scho sed ewigkeite nöm gässe...Lachend 

 

 

 

Rugby

28Sept2013

 

Am 28.9.13 het südafrikanische Springbokteam gäge Australie gspelt. Ond sie händ 28:8 gonne...

 

Natürlech hämmer müesse Fanpullis choufeCool

Auf dieser Seite werden lediglich die 10 neuesten Blogeinträge angezeigt. Ältere Einträge können über das Archiv auf der rechten Seite dieses Blogs aufgerufen werden.